Dastaan Hu Mein..

Ankahi ansuni si ek dastaan hu mein

Duniya ke rit-rivaj se anjaan hu mein

Hazaro dard sar bastah rakh leti hu Sabh kehte huve bhi be-zubaan hu mein

Meri kahani koi samaj sake bhi kaise Apni dastaan se khud pareshan hu mein

Kitne panne likhu ashqo ki syaahi se Sadiyon ke dard ka ek bayaan hu mein

Tum kehte ho ki ek nazr se samaj liya Konsi zubaan mein inti aasan hu mein?

Sapno ki sej par rakha koi phool nahi

Sisakte huve dil ka ek armaan hu mein

Aahista se sun kar gaur karna yaaro Uss banane wale ka imtehaan hu mein

Duniya badalti gayi dard vahi raha Apne naseeb se boht zhiyaan* hu mein

Jism toe hei par jazbaat mar chuke Barso se khali pada makaan hu mein

Mehfil mein chahe ho ronak kitni bi Ander se dekho toe viraan hu mein

*zhiyaan: furious / angry

Ritu Roy