Vo Jigar Mera Tha..

Jo barso haar kar bhi haar na saka vo jigar mera tha Khatam hote huve bhi khatam na huva vo safar mera tha

Jis chaman ko sajane mein inn hathon ko sakht kiya he Mere gumaan mein zinda ujda huva dil-e-abtar mera tha

Jisse khone ki wahsat mein umer guzari hei ro ro kar Ehsaso ne abh yaad dilaaya ki vo kanha ghar mera tha

Siskiyon ne siyaah raat mei bhigaya he mere chehre ko Sisakte roz janha wafaat ko pukara vo bistar mera tha

Jidher bhi gaye apne saath andhero ko hi felate gaye Yunh laga ki janha bhi raat huyi vanhi asar mera tha

Barbaad nazro se aabad raahon ko takte rahe he aksar Chahaton mein hi guzarna umer, yahi muqaddar mera tha

Sochti hu aksar, meine kya paya iss jahan mein aa kar Ek patthar jo tune uchala, vahi sang-e-marmar mera tha

Zehar ashqon se piya aur bad-duwa ki saugaate mili he Ussi mein sar bastah duwaon sa, kafila-e-zar mera tha

~~~~~~~~~~~~~~~~~~~~~~~~~~~~~~~~~~~~~~ Copyright Reserved - Written By Ritu Roy Written On 30th Oct 2013 - 09:00 PM Wednesday

~~~~~~~~~~~~~~~~~~~~~~~~~~~~~~~~~~~~~~

Meanings:

dil-e-abtar: ruined heart / scattered heart asar: effect bistar: bed jigar: heart muqaddar: fate / destiny sang-e-marmar: white marble sar bastah: secret / hidden kafila-e-zar: treasure of gold